کۆڕۆنای عراق.. نزیکەی ٧٠٠٠ تووشهاتن و ٦٦ مردن
2021-08-31T13:17:09+00:00
شەفەق نیوز/ تاقێگە پزیشکیەیل لە ماوەی ٢٤ ساعەت گوزەیشتە، نزیکەی ٧٠٠٠ تووشھاتن نوو وە ڤایڕۆس کۆڕۆنا لە گشت ناوچە و شارەیل وڵاتەگە تۆمار کردن.
وەزارت تەندروسی وژینگەی عراق، ئمڕوو سێشەممە، لە هەڵوێست رووژانەی پەتاگە وت: ٦٩٣٧ تووشهاتن نوو تۆمار کرد، تا گشت ژمارەی تووشهاتنەکان بڕەسێدە ١٨٨٨١٥٠.
بەیاننامەگە هەمیش باس ٧١٤٨ خاسەوبوین لە پەتاگە کرد، تا گشت ژمارەی خاسەوبویەکان بڕەسێدە ١٧٣٤٨٩٨.
وەگورەی بەیاننامەی وەزارەتەگە، ٦٦ بیمار لەوەر پەتاگە ئمڕوو مردن تا گشت ژمارەی مردنەیل بوودە ٢٠٨٣٠.
