ناکۆکی خیزانی گەنجیگ رەسنێد ئەرا خوەیکوشتن لە باشوور عراق
2023-12-24T15:04:55+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو یەکشەممە، خەوەردا لە خوەیکوشتن گەنجیگ لە باشوور شار ناسڕیە ناوەن پارێزگاگە.
سەرچەوەگە وە ئاژانس شەفەق نیوز خەوەردا، "گەنجیگ بیس ساڵان خوەیکوشتیە لەی وەخوارخستن خوەی ئەرا ناو چەم فەزیلەت لە باشوور شار ناسڕیە ناوەن پارێزگاگە" وتیش "دەزگایەیل ئەمنی توەنستنە تەرمەگە لەناوڕاس چەمەگە درارن".
سەرچەوەگە وتیش،"لێکۆڵینەوەیل سەرەتایی دەرچگە هووکار خوەکوشتنەگەی لەوەر ناکۆکیگ خیزانی بویە وەرد کەسوکاری" دیاریکرد "تەرمەگە ئەرا تەواوکردن رێکارەیل یاسایی کلکریاس ئەرا پزیشک دادوەری".
