‏ژنیگ شویەگەی لەناو خەو کوشێد لە بەغدا

شەفەق نیوز بەغدا

‏سەرچەوەیگ ئەمنی، ئمڕوو یەکشەممە، خەوەردا لە کوشیان پیایگ وەبان دەس ژنەگەی لەناو ماڵ خوەیان لەناوچەی هەیاکل سەر وە ناوچەی غەزالیە خوەرئاوای بەغدا.

‏سەرچەوەگە وە ئاژانس شەفەق نیوز راگەیان، ژنیگ شوی خوەی هنای خەفتیە کوشێد لەری وەکارهاوردن چەقوو لەناو ماڵ، وەرجە ئەوەگ هێزەیل ئەمنی دەسگیری بکەن.

‏وتیش، پۆلیس ژنەگە دەسوەسەرکردیە ئەرا لێکۆڵێنەوە و زانستن هووکار پشت رویداوەگە.

‏

‏