ميوەفرووشیگ لە بابل چوودە خوین سێ برا
شەفەق نیوز/ سەرچەوەیگ ئەمنی چەودیر لە پارێزگای بابل، ئمڕووجمعە، باس ووردەکاریەیل تاوان دڵتەزنیگ کرد وەدەس کابرایگ دژوە سێ کەس لە باکوور پارێزگاگە.
سەرچەوەگە ئەرا ئاژانس شەفەق نیوز وت: مرافەیگ کەفتە ناوبەین سێ برا وەرانەوەر کابرایگ میوەفرووش لە ناوچەی حەیەە لەوەر دەسدریژی تاوانبارەگە لەبان دوکانیگ بازرگانی، وتیش؛ یەکەم جار مرافەگە وەدەس بەی، ئیجا رەسیە چەقو.
وتیش؛ تاوانبارەگە چەقو ئەرا قوربانیەیلە کیشا، و توێنست چەقو بەێدە دوانیان و وەکوتپڕ کوشتەیان، وە دەسمیەتی چەن کەسیگ تر وەگەردی بوین، و زەخمدار ئەو براگەیان کرد تا رەساننەی خەسەخانە.
سەرچەوەگە دیاری کرد ک مرافەکەرەیلە خەڵک یەک ناوچە بوین، و دەزگا ئەمنیەیلە تاوانبارەگە و کەسەیل گەردی دەسگیر کردن.
سەرچەوەگە وتیش؛ دەسوەردان هووزانەی گەورەیگ لە باوەتەگە هەس، تا کارەگە گەورەترەو نەوود.
لەلای خوەییش پۆلیس بابل لە بەیاننامەیگ ئمڕوو وت: یەک توومەتبار وە کوشتن دوو کەس و زەخمدارکردن کەسیگ تر وە مرافەیگ دەسگیر کرد.
