مووسڵ.. خوەیکوشتن دۊیەتیگ لەور ناچارکردنی وە شۊیکردن

مووسڵ.. خوەیکوشتن دۊیەتیگ لەور ناچارکردنی وە شۊیکردن
2021-11-10T12:23:34+00:00

شەفەق نیوز/ وەچەودیەیلیگ لە پارێزگای نەینەوا، ئمڕوو چوارشەممە، باس خوەیکوشتن دۊیەتیگ کردن لەوەر ناچارکردنی لەبان شۊیکردن وە ئاموزا تیرۆریستەگەی لە خوەرئاوای شار مووسڵ.       

وەچەودیەیلە لە خەڵک ئاوای زنازل لە ناحیەی حمیدات، ئەرا ئاژانس شەفەق نیوز وتن،: دۊیەتیگ ١٧ ساڵان،  ئمڕوو لەناو ژوورەگەی خوەی دادە سێدارە.     

وەگورەی وەچەودیەیلە،  دۊیەتەگە لەوەر ئەوە ک رسوومەیل (حەیار) لەبانی چەسپیا ک بایەتە شۊی بکەێدە ئاموزاگەی،  و ئەوەیش وەدڵی نەۊیە، خوەی کوشتەگە.    

وەچەودیەیلە دیاری کردن ک ئاموزای دۊیەتەگە هیمان هالە زیندان لەوەر سزادانی وەتوومەت تیرۆر،  ک بڕیارە چوار ساڵ تر تەواو بوود،  و مامەی ئەو رسوومەیل هووزانە لەبانی چەسپانیە، گوایە دۊیای چوار ساڵ هەنای کوڕەگەی لە زیندان دەرچوود سۊیر دۊیەت براگەی بکەێد.          

Shafaq Live
Shafaq Live