مه‌رجه‌عيگ شيعه له عراق ئاشكراى كرد چوارشه‌ممه يه‌كه‌م رووژ جه‌ژن ره‌مه‌زانه
2019-06-01T20:50:04+00:00
شه‌فه‌ق نيوز/ ئايه‌توڵڵا كه‌مال حه‌يده‌رى مه‌رجه‌ع باڵاى ئايينى ئاشكراى كرد رووژ چوارشه‌ممه‌ى ئاينده يه‌كه‌م رووژ جه‌ژن ره‌مه‌زان پيرووزه.
نويسينگه‌ى حه‌يده‌رى له به‌يانناه‌يگ وت: زانياريه‌يل گه‌ردوونناسى ئاماژه وه ئه‌وه ئه‌كه‌ن تواناى ديده‌ن مانگ شه‌وال 1440 ك وه‌چه‌و له‌گشت ده‌وڵه‌يل ئسلامى له ئيواره‌ى سێشه‌ممه وارده ك ئه‌كاده 4 حزه‌يران/ يۆنيۆ/ 2019.
به‌ياننامه‌گه يه‌يش ده‌رخست ك وه‌گووره‌ى ئه‌وه‌يش يه‌كه‌م رووژ جه‌ژن ئه‌كه‌فێده رووژ چوارشه‌ممه له‌لاى ئايتوڵڵا كه‌مال حه‌يده‌ر مه‌رجه‌ع ئايينى.
