مردن و زەخمداری 8 مەدەنی وە رویداو هاتوچو لە دیالە و سەڵاحەدین
2023-09-23T09:13:45+00:00
شەفەق نیوز/ دوو سەرچەوەی ئەمنی، ئمڕوو شەممە، خەوەردان لە مردن و زەخمداری هەشت مەدەنی وە رویداو هاتوچو لە پارێزگای دیالە و سەڵاحەدین.
سەرچەوەیگ ئەمنی لە دیالە وە ئاژانس شەفەق نیوز خەوەردا، گەنجیگ گیان لەدەسدایە وە رویداو لەیەکداین ماتۆرسکیلیگ چوار چەرخە (سەتوتە) کە رانیەسێ لەبان ری بەعقوبە-خاڵس نزیک ناوچەی ئەسوەد.
سەرچەوەگە وتیش، تەرم گەنجەگە ئەرا پزیشک دادوەری کلکریاس، لەولا دەسڵاتدارەیل هاتوچوی رێکارەیل پێویست وەرگردن.
لە سەڵاحەدین، هەفت کەس تویش زەخمداری هاتیە لەئەنجام پلیان پاسیگ لەبان ری بەغداد - کەرکوک لەناوەین ناحیەی سلێمان بەگ و قەزای دوزخورماتوو.
وتیش " رویداوەگە لە دیروەخت دویەشەو رویدایە، ئاشکەرایکرد گشت زەخمیبوینەیل سووکن و مەترسیدار نیین.
