مردن و زەخمداری 15 خوەنەوار وە رویداویگ هاتوچو لە بەسڕە
2024-04-02T17:04:16+00:00
شەفەق نیوز/ وە رویداویگ هاتوچو لە پارێزگای بەسڕە، ئمڕوو سێشەممە، 5 خوەنەوار گیان لەدەسدا و 4 ترەک زەخمداربوی.
قائیمام هارسە، نەزی ئەلشاوی وە ئاژانس شەفەق نیوز وت، "ماشین بارهەڵگریگ شمارەیگ خوەنەوار مەکتەو زەینەب سەرەتایی کورانە لە هارسە لە شار بەسڕە"، دیاریکرد "وەپای ئامار سەرەتایی رویداواگە بویە هووکار مردن 5 وەنەوار کوڕ و زەخمداری 10 ترەک".
وتیش "لە لێکۆڵینەوەیل سەرەتایی دەرچگە راندەگە وە تونی رانییە، و نەتوەنستیە لەناوکاو بووسێد".
وەپای قسەی دانشتگەیل، ئێ ریە وە یەکیگ لە ریەیل فرە رخبەر دانرێد لەوەر خێرایی فرەیگ لە رانندەیل، ماوەی ساڵیگە نووەوکریاگە و هێمای هاتوچو دانریاگە، وەرەو بەغداد چوود، بەسڕە رەسنێدە زیقار و میسان.
