٤٤ مردن و زیاتر لە ٩ هەزار تووشهاتن کۆڕۆنا لە عراق

شەفەق نیوز/ وەزارت تەندروسی وژینگەی عراق، ئمڕوو دووشەممە، راگەیان تۆمارکردن ٤٤ مردن لەوەر ڤایڕۆس کۆڕۆنا و تووشهاتن زیاتر لە ٩ هەزار کەس لە گشت ناوچە و شارەیل وڵاتەگە لە ماوەی ٢٤ ساعەت گوزەیشتە.

وەگورەی بەیاننامەی هەڵوێست پەتاگە ک رەسیە ئاژانس شەفەق نیوز: ژمارەی تووشهاتنەکان ئمڕوو رەسیە ٩١٤٩ کەس، و ٧٠٩٨ بیمار لە پەتاگە خاسەو بوین.

هەڵوێستەگە نشان دا ک ژمارەی ئەو کەسەیلە ک ئمڕوو لەوەر بیماری کۆڕۆنا مردن  ٤٤ بیمار بوی.

هەمیش وت: ١٠٥٤٣٢٨ هاووڵاتی ئمڕوو واکسین دژوە ڤایڕۆس کۆڕۆنا وەرگردن.