مردن گەنجیگ وە مدوو وەرگردن بڕیگ فرەتر لە مادەی هووشبەر لە باشوور عراق
2023-08-18T12:47:43+00:00
شەفەق نیوز/ سەرچەوەیگ ئەمنی، ئمڕوو جومعە، مردن گەنجیگ لەئەنجام وەکارهاوردن بڕیگ فرە لە مادەی هوشبەر راگەیان، ئەوەیش لە پارێزگای زیقار باشوور بەغداد.
سەرچەوگە وە ئاژانس شەفەق نیوز وت، گەنجیگ 30 ساڵان دانشتگ کویچەی تەزحیە لەناوڕاس شار ناسڕیە ناوەن پارێزگاگە، کە چەن رووژ کەمیگە دەسکردیە وە چارەسەرکردن هوگربوینی، وەرجە ئاوەگ گلەوبخوەد ئەرا وەکارهادردن بڕیگ فرە لە مادەی کریستال وەکارهاوردیە و دەسوەجی کوشتیەسێ.
ئەنجومەن داد باڵا لە عراق ئامار ساڵ 2021 بڵاوکردیە و راگەیان " رێژەی هۆگربوین وە مادەی هوشبەر لەناو گەنجەیلە رەسیەس ئەرا وە مادەی 50 لە سەد، و بەرزترین رێژەی وەکارهاوردن رەسێدە 70 لە سەد ، کە لە ناوچە و کویچەیل نەدارەیل فرەترە.
