مردن عراقییگ و زەخمداری چوار زیارەتکەر ئیرانی وە رویداو هاتوچو لە باشوور عراق
2023-08-29T08:11:00+00:00
شەفەق نیوز/ سەرچەوەیگ ئەمنی لە باشوور عراق، ئمڕوو سێشەممە، خەوەردا لە مردن و زەخمداری 5 کەس لەناویانیش زیارەتکەرەیل ئیرانی هەس وە رویداو هاتوچو لە خوەرئاوای شار ناسڕیە ناوەن پارێزگاگە.
سەرچەوەگە وە ئاژانس شەفەق نیوز خەوەردا، "رویداویگ هاتوچو لەبان ری خێرا ناوەین زیقار و بەسڕە رویدایە، نزیک پیەڵ فرۆکەخانە لەناوەین دوو ماشین بارهەڵگریگ و کۆستەریگ، لەئەنجام کەسیگ عراقی گیان لەدەسدا و 4 ئیرانییش زەخمداربوین".
سەرچەوەگە وتیش، " دەزگایەیل ئەمنی دەورەی شوین رویداوەگە دانە تەرمەگە ئەرا پزیشک دادوەری بریا و زەخمدارەیلیش ئەرا خەسخانە تا چارەسەر پێویست وەربگرن".
