مردن دوو کەس وە رویداو هاتوچو لە بەغدا
2023-07-28T06:55:07+00:00
شەفەق نیوز/ سەرچەوەیگ ئەمنی لە دیالە، ئمڕوو جومعە، خەوەردا دوو مەدەنی وە رویداو هاتوچو گیان لەدەسدانە لە باکوور خوەرهەڵات پارێزگاگە.
سەرچەوەگە وە ئاژانس شەفەق نیوز وت، دوو مەدەنی مردنە وە لەیەکەوداین ماشینیگ لە جویر" خەباتە" وەگەرد پیکاپ لەبان ری بەعقوبە-ناحیەی سەلام، وتیش رویداوەگە لە دیر وەخت دویەشەو رویدایە.
سەرچەوەگە وتیش، رویداوەگە بویە هووکار سزیان دوو ماشین و تەرم رانندەیلیش بوینەسە زوخاڵ، دیاریکرد تیمەیل وەرگیری شارستانی ئاگرەگە کپەوکردنە و تەرمەیلیش ئەرا فەرمانگەی پزیشک دادوەری کلکردنە.
