مردن 14 کەس وە رویداویگ و مناڵیش هاناویان لە باشوور عراق
2023-11-21T07:29:07+00:00
شەفەق نیوز/ سەرچەوەیگ ئەمنی لە پارێزگای بەسرە باشوور عراق، ئمڕوو سێشەممە، خەوەردا وەلایەن کەم 14 کەس گیان لەدەسدایە کە فرەیگیان مامووسان وە رویداویگ هاتوچوی.
سەرچەوەگە وە ئاژانس شەفەق نیوز وت "8 مامووسای ژن و پیاو، و 3 مناڵ وەگەرد رانندەی پاس بویچگیگ گیان لەدەسدانە لە ئەنجام رویداویگ هاتوچو کە هووکارەگەی خاوەن ماشین بارهەڵگر (ترێلە)یگ بویە".
وتیش "ماشین بارهەڵگرەگە پیچەوانەی ئاراستە ریکردیە لەیەکەودایە وەگەرد ماشینیگ لە جویر "ستارکس" لەبان ری سەفوان ئوم قەسر لە بەسرە"، وتیش"هێزەیل ئەمنی رەسینەس شوین رویداوەگە تەرمەیلە ئەرا پزیشک دادوەری کلکردنە و لێکۆڵینەوە لە رویداوەگە وازکردنە".
