مرافەیگ لەناوبەین هێزیگ و چەودیرەیل هەڵچان هەڵبژاردنەگە لە بەغداد
2021-10-13T12:31:14+00:00
شەفەق نیوز/ وەچەودیەیلیگ، ئمڕوو چوارشەممە، خەوەردان لە مرافەیگ لەناوبەین هێزیگ تایبەت و چەودیرەیل کیان سیاسیەیلە لە دەر جوندی مەجهول شۊن هەڵچان و ژمارەکردن ئەنجامەیل هەڵبژاردەگە.
وەچەودیەیلە ئەرا ئاژانس شەفەق نیوز وتن: هێز تایبەت مقیەتیکردن شۆنەگە ریگری لە سەرپەرشتیاری هەڵچانەگە کردن، تا بۊیە دەڵکداینیگ لە دەر جوندی مەجهول، و رەسیە دەسوەشانن و مرافە، وتنیش؛ هێزەگە یەکەم جار دەس وە مرافەگە کرد و دەس لە چەودیرەیلە وەشانن.
وەگورەی وەچەودیەیلە، ئەو هێزە دەسنابان کامیرایل رووژنامەوانەیلە لەو شۊنە، و نەیشتن وێنەی رەسین سەندوقەیل دەنگدانەگە بگن، و ناونەسەقیش وەپیان کردن.
