ماڵ وەرپرسیگ لە زیقار کەفێدە وەر پەلامار مووشەک
2024-04-05T09:07:01+00:00
شەفەق نیوز/ سەرچەوەیگ خۆجێیی، شەوەکی ئمڕوو جمعە، خەوەردا کە ماڵ وەرپرسیگ ناوخوەیی لە پارێزگای زیقار کەفتە وەر پەلامار مووشەک.
سەرچەوەگە ئەرا ئاژانس شەفەق نیوز وت: چەکدارەیلیگ نەناسیای، شەوەکی ئمڕوو، ماڵ وەڕیەوبەر کارەبای سیک دخیل لە پارێزگای زیقار وە مووشەک کردنە ئامانج.
سەرچەوەگە وتیش: پەلامارەگە بویە هوکار زەرەدەیل گەورەیگ لە ماڵەگە، وەبی تووومارکردن زەرەد مرۆیی.
