میوانی سویریگ رەسێدە کەلەمەیگ و برایلیگ خوەشک خوەیان کوشن لە باشوور عراق
2023-06-21T12:33:19+00:00
شەفەق نیوز/ سەرچەوەیگ ئەمنی، لە باشوور عراق، ئمڕوو چوارشەممە، خەوەردا ک میواندارییگ سویر بویە کەلەمەیگ، و باس کوشیان دویەتیگ وە دەس برایلی کرد.
سەرچەوەگە ئەرا ئاژانس شەفەق نیوز وت: میوانی سویریگ لە پارێزگای بەسرە بویە کەلەمەیگ، لە ئەنجام ژەهراوی بوین دەیان کەس.
سەرچەوەگە دیاری کرد ک ئەو کەسەیلە ک تویش ژەهراوی بوین، خەڵک قەزای مجەرن لە پارێزگای میسان، وتیش؛ زیاتر لە ٣٥ کەس ئەرا خەسەخانەی مجەر بریان، و فرەیان لە خەسەخانە دەرچین، و دەزگایل ئەمنی لێکۆڵینەوە ئەرا رەسین وە بندروس رویداوەگە واز کردن.
لە زیقار، سەرچەوەیگ ئەمنی، خەوەردا لە کوشیان دویەتیگ وەدەس برایلی لە شار ناسریە.
سەرچەوەگە ئەرا ئاژانس شەفەق نیوز وت: دوو برا چینە ناو ماڵ خوەشکەیان و وەچەن گولەی لە سەری کوشتنەی، لەوەر گرفتیگ خیزانی.
سەرچەوەگە وتیش: یەکیگ لە تاوانکارەیل خوەی دادە دەس دەزگایل ئەمنی، و ئەو براگەی مەوقەی تەقەلای وایینی دەسگیر کریا.
