ئەمیندارێتی ئەنجومەن وەزیران: سوو مووچەگان تیەن و مەرج نیە ئەرا دوو مانگ بوود
شەفەق نیوز/ ئەمیندارێتی گشتی ئەنجومەن وەزیران، ئمڕوو شەممە، دووپاتکرد ک وەزارت دارایی لە سووەو دەسکەێدە مەرەقەزکردن مووچەی فەرمانبەرەگان، و ئاماژە کرد ک باوەت خەرج مووچەی دوو مانگ لەشوون یەک پەیوەندی وە فەرمانگەی فەرمانبەرەگە دیرێد.
حەیدەر مەجید قسەکەر وەناو ئەمیندارێتیەگە ئەرا ئاژانس شەفەق نیوز وت: سەرۆک وەزیران وەرجەیە فەرمان داگە فەرمانگەیل دارایی و ژمێریاری لە گشت وەزارەتەگ و فەرمانگەیل دەوڵەت لە پارێزگاگان ئەرا دەوامکردن لە رووژەیل جمعە و شەممە، و ئامادەکردن لیستە تایبەتەگان وە مووچەیل مانگ تەشرین یەکەم و دوویەم، و ئاماژە کرد لە مەرەقەزکردن مووچەی دوو مانگەگە، و مەرج نیە ئەرا گشت فەرمانبەرەگان وەیک تەکان دابەش بکریەن.
وتیش؛ پویلە وەردەسەگە دویای بڕیارداین یاسای پرەوکرن پەککەفتن دارایی لەلایەن ئەنجومەن نۆێنەران دابین کریا، و دیاریکرد ک ئەو فەرمانگەیلە ک وەزویترین وەخت لیستەگان ئامادە کەن، مووچەی دوو مانگ لە شوون یەک وەرگرن.
مەجید هەمیش وت: وەزارت دارایی لە ڕووژ یەکشەممە دەسکەێدە مەرەقەزکردن مووچەی فەرمانبەرەگان وەگورەی ئەو فەرمانگەیلە ک لیستەگان لە بنەمای فەرمانەیل سەرۆک وەزیران ئامادە کردنە.
