مەنەلی داوا کەێد دەرەیلی لەنوای گەشتیارەیل واز بوود
شەفەق نیوز/ ناحیەی مەنەلی، ئمڕوو جمعە، داوا لە حکومەت فیدراڵی کرد ری ئەرا کاروانەیل گەشتوگوزاری وەرەو ئیران وەبان مەرزە سنووریەگەی واز بکەێد، تا داهاتەیل ئابووری وەدەس بارێد و کارکردن فرەوە بوود.
مازن ئەکرەم وەڕەوبەر ناحیەگە ئەرا ئاژانس شەفەق نیوز وت: خەڵک مەنەلی داوای وازکردن ریەیل گەشتوگوزاری و ئاینی وەرەو ئیران لەبان مەرز سنووری مەنەلی کەن، تا ژیان و گوزەرانی خاسەو بوود، و کارکردن زیایەو بوود، و هەمیش ریە چووڵەیلە بکرێەنە بازاڕ و دوکانەیلیگ بازرگانی وەگەرد ئەو سوودەیل ئابووری.
ئەکرەم وتیش: مەرز مەنەلی رییگ ستڕاتیژیە ئەرا کاروانەیل گەشتوگوزاری چۊنکە ناحیەگە لە پارێزگایلە نزیکە و ریەگە بیوەیە، و داوا لە لایەنەیل پەیوەندار کرد بەرهەمهاوردن مەرزەگە بکەن تا سپۆنسەر مەنەلی وە پڕۆژەیل سەرەکی بکریەێد، و بەشیگ لە داهاتەیل دارایی مەرزەگە بکەفێدە مەنەلی.
و باس گرنگی چەسپانن یاسا لە مەرزەگە و کۆنترۆڵکردن هاتوچگن کاروانە بازرگانی و گەشتوگوزاریەیل کرد ک خەڵک مەنەلی ئەوە وە بەش کەمیگ لە مافەیل بریاگیان لە ساڵەیل گوزەشتە زانن.
یە نزیکەی دوو ساڵە هاتوچگن کاروانەیل بازرگانی لەلای ئیران وەبان مەرز مەنەلی ئەرا زیاتر لە ٥٠% کەمەو بۊیە، ئەوەیش لەوەر ریکارەیل کۆڕۆنا ویاسا سەختەیلە.
