مەرافەیگ چەکداری ناوبەین دو برا کۆتایی وەژیان داڵگیگ تیرێد

شەفەق نیوز/ سەرچەوەیگ پزشکی لە فەرمانگەی تەندروسی واست، ئمڕوو دوشەممە، خەوەردا لە کوشیان ژنیگ وە گولە لەناوراس پارێزگاگە. 

سەرچەوەگە وە ئاژانس شەفەق نیوز وت؛ ژنیگ پەنجا ساڵان وە گولە کوشیایە لەناو ماڵەگەی لەناوچەی عەزە لەناوراس شار کوت ناوەند پارێزگاگە، لە ساعاتەیل سەرتای دۊشەو. 

سەرچەوەگە وتیش؛ هوکار گولە تەقانن وە رۊ ژنە رۊدان مەرافیگ لە مابەین کوڕەیلی بۊیە، دیاریکرد، هێزەیل ئەمنی ئاخڵەی شۊنەگە دانە تەرمەگە ئەرا پزشک یاسایی کلکریایە دو براگە دەسگیر کریانە و ئەرا ناوەن ئەمنیگ ئەرا لێکۆلینەوە لە رۊداوەگە بریانە.