له چه‌ن شاريگ ناكووكى كه‌فته ناونى خوه‌ينيشانده‌ره‌يل و هيزه‌يل ئه‌منى
شه‌فه‌ق نيوز/ له چه‌ن شاريگ له ناوڕاس و باشوور عراق، ناكووكى و روێ وه‌ڕوێ بوينه‌وه كه‌فته ناونى خوه‌ينيشانده‌ره‌يل و هيزه‌يل ئه‌منى و حاڵه‌ته‌يل ته‌نگه‌نه‌فسى و زه‌خمدارى له‌لى كه‌فته‌و.
سه‌ركردايه‌تى پۆليس پايزگاى زيقار ئاشكراى زه‌خمداربوين 28 پۆليس كرد له نزيك سه‌رچه‌وه‌ى غه‌ڕاف له باكوور پاريزگاگه، سه‌رچه‌وه‌يگيش ئه‌منى وت: له بابليش حاڵه‌ته‌يل ته‌نگه نه‌فه‌سى روێداگه له ئه‌نجام ئه‌وه‌گ هيزه‌يل ئه‌منى غاز ئه‌سرڕشن وه‌كار هاوردنه‌و بڕيگ له چالاكوانه‌يليش ئه‌وه ده‌رخستن ك نزيكه‌ى 60 كه‌س زه‌خمدار بوينه.
له پاريزگاى كه‌ربه‌لايش له ناوڕاس وڵاته‌گه باس له زه‌خمداربوين زياتر له 9 كه‌س كرياگه له خوه‌ينيشانده‌ره‌يل له‌ئه‌نجام روێ وه‌ڕوێ بوينه‌وه وه‌ل هيزه‌يل ئه‌منى.
جى باسه، له به‌غداى پايته‌ختيش وه‌ڕيه‌وبه‌رايه‌تى وه‌رگرى شارستانى ئاشكراى زه‌خمداربوين ئه‌فسه‌ريگ و 10 كارمه‌ند كرد له‌ڕێ بۆمب مولوتوف له ناوچه‌ى حافز قازى و جاده‌ى ره‌شيد له‌ناوڕاس به‌غدا.
