له بۆردومانيگ ئه‌مريكى له عراق ئه‌فسه‌ريگ له پاسه‌وان شۆڕش كوشيا
شه‌فه‌ق نيوز/ كه‌ناڵيگ ئيرانى ئۆپۆزسيۆن، باس له‌وه كرد ئه‌فسه‌ريگ وه‌پله‌ى عه‌قيد له هيزه‌يل فه‌يله‌ق قودس سه‌ر وه پاسه‌وان شۆڕش ئيرانى له ئه‌نجام په‌لاماريگ وڵاته‌يل يه‌كگرتگ ئه‌را بان بنگه‌يل سه‌ر وه حه‌شد شه‌عبى له پاريزگاى بابل كوشياگه.
كه‌ناڵ ئۆپۆزسيۆن ئاسمانى " دوڕ " سيامه‌ند مه‌شهه‌دانى عه‌قيد و ئه‌ندام باڵا له هيزه‌يل پاسه‌وان شۆڕش له ئه‌نجام په‌لاماريگ ئه‌مريكى كوشياگه.
جى باسه، دويه‌شه‌و ديره وه‌ختيگ وه‌زاره‌ت وه‌رگرى ئه‌مريكى، ئاشكراى ئه‌نجامداين په‌لاماريگ پڕ دقه‌ت كرد ئه‌را بان بنگه‌يل سه‌ربازى له عراق ك له‌لايه‌ن ئيرانه‌و پشتگيرى ئه‌كريه‌ن و له به‌ياننامه‌يگ وت: وڵاته‌يل يه‌كگرتگ په‌لاماره‌يليگ ئه‌را بان 5 بنكه‌ى خه‌زنكردن چه‌ك سه‌ر وه كۆمه‌ڵه‌ى چه‌كدار ك ئيران پشتگيرى له‌ليان ئه‌كا له عراق ئه‌نجام داگه وه‌تايبه‌ت دژ بنگه‌يل جه‌ماعه‌ت كه‌تيبه‌يل حزبوڵڵا له عراق.
