پەلاماریگ مووشەکی لەبان کامپ عەین ئەسەد
2021-07-05T13:03:07+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا ک پەلاماریگ مووشەکی لەبان کامپ عەین ئەسەد لە پارێزگای ئەنبار کریا.
سەرچەوەگە ئەرا ئاژانس شەفەق نیوز وت: نیمەڕو ئمڕوو، کامپ عەین ئەسەد کەفتە وەر پەلاماریگ وە مووشەک کاتیۆشا، وەبی زەخمداربوینیگ.
لەلای خوەییش هاوپەیمان ناودەوڵەتی لیدوانسگ لەبان رووداوەگە دا و لە بەیاننامەیگ رەسیە ئاژانس شەفەق نیوز وت: ٣ مووشەک کەفتە دەورگرد کامپەگە وەبی زەخمداری.
وتیش؛ ڕاپۆرتە سەرەتاییەگە دەرخەێد ک کامپەگە لە ساعەت ٢»٤٥ کەفتە وەر سێ مووشەک کەفتنە دەورگرد کامپەگە.
و دیاری کرد ک هیچ زەخمداربوینیگ نەویە، و ئیسە دیرن هەڵسەنگاندن زەرەدەیل کەن.
