دوویەم تەقینەوە لەبان کاروان هاوپەیمان ناودەوڵەتی لە عراق
شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، خەوەردا لە پەلاماریگ لەبان کاروانیگ پاڵپشتی لۆجستی سەروە هاوپەیمان ناودەوڵەتی لە پارێزگای سەڵاحەدین، ک دوویەم رووداوە وە ماوەی کەمتر لە یەک ساعەت.
سەرچەوەگە ئەرا ئاژانس شەفەق نیوز وت: بومبیگ دانریاگ لەبان ریە سەرکیەگە لە سەڵاحەدین لە مەوقەی رەدبوین کاروانیگ هاوپەیمان ناودەوڵەتی تەقیەو، وەبی تۆمارکردن زەخمداربوین.
وەرجەیە وە کەمیگ، سەرچەوەیگ ئەمنی وەرپرس، خەوەردا لە پەلاماریگ لەبان کاروانیگ پاڵپشتی لۆجستی سەروە هاوپەیمان ناودەوڵەتی لە پارێزگای ئەنبار.
سەرچەوەگە ئەرا ئاژانس شەفەق نیوز وت؛ بومبیگ دانریاگ تەقیە بان کاراوانیگ پاڵپشتی لۆجستی سەروە هاوپەیمان ناودەوڵەتی لەمەوقەی رەدبوینی لەبان ری زوینەی ئەنبار.
سەرچەوەگە وتیش؛ رووداوەگە بویە هووکار زەخمداربوین یەکیگ لە ئەندامەیل کۆمپانیای ئەمنی وەگەرد کاروانەگە، ک خوەی عراقیە، و زەرەد رەسیە دوو ماشین.
