لە ماوەی چەن ساعەتیگ ۆ دوویەم تەقینەو لەبان کارواتیگ هاوپەیمانی لە عراق

شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا ک کاروانیگ پاڵپشتی لۆجستی سەروە هاوپەیمان ناودەوڵەتی کەفتە وەر تەقینەوەیگ لە پارێزگای بابل

سەرچەوەگە ئەرا ئاژانس شەفەق نیوز وت: بومبیگ دانریاگ تەقیە بان کاراوانیگ پاڵپشتی لۆجستی سەروە هاوپەیمان ناودەوڵەتی لە مەوقەی رەدبوینی لە بابل.

سەرچەوەگە وتیش: بومبەگە لەمەوقەی رەدبوین کاروانەگە تەقیەو وەبی تۆمارکردن زەخمداری و کاروانەگە ری خوەی بردە سەر.

هەرلیوا، یە دوویەم رووداوە لەی جوورە لەماوەی ساعەتەیل کەمێک، ک وەرجەیە بومبیگ تەقیە بن کاروانیگ پاڵپشتی لۆجستی سەروە هاوپەیمان ناودەوڵەتی لەبان ری ناسریە لە باشوور عراق.