لەوەر مرافەی پارەکە.. کوشیان و زەخمداری چوار کەس لە کەرکوک

شەفەق نیوز/ موقەدەم عامر شوانی وەڕەوبەر راگەیانن پۆلیس کەرکوک، خەوەردا لە کوشیان و زەخمداری چوار کەس مناڵ و ژنیگ هاناویان، وەدەس چەکدارەیلیگ لەوەر مرافەیگ هووزانەی ساڵیگ وەبانی رەد بۊە.  

شوانی ئەرا ئاژانس شەفەق نیوز وت: چەکدارەیلیگ تەقە وەرەو ماشینیگ مەدەنی مارکەی پیک ئاب کردن دوو پیاو و مناڵیگ و ژنیگ لەناوی بۊن، ئەوەیش لە مەوقەی رەدبۊنیان لەبان ری فڕۆکەخانەی کەرکوک،  ک بۊە هووکار کوشیان دوو پیاوەگە و زەخمداری مناڵ و ژنەگە.  

و دیاری کرد ک ئەو کوشیانە لەوەر مرافەیگ هووزانە بۊە ک پارەکە قومیاگە، و دۊای دادکردن یەکیگ لە لایەنەیل و مەرقەزکردنی، ئی لایەنەگە تووڵەی خوەی سەن.  

شوانی وتیش: هێزیگ ئەمنی دو تەرمەگە ئەرا پزشک یاسایی برد، و دو زەخمدارەگە رەسانە خەسخانە.