لێکۆڵینەوە لە فرووشتن گووشت ٥٠ خەر لە مووسڵ
2023-05-09T10:09:15+00:00
شەفەق نیوز/ دادگای ئاسایش لە نەینەوا، ئمڕوو سێشەممە، فەرمان ١٥ ساڵ زیندانیکردن لەبان ئەندامیگ ئەمنی دەرکرد مادەی هوشبەر وەپی بویە، لەوەختیگ دەسەڵاتەیل لێکۆڵینەوە لە گومان سەربڕین بڕیگ خەر کەن ک گووشتیان فرووشیاگە.
سەرچەوەیگ ئەمنی ئەرا ئاژانس شەفەق نیوز وت: دادگای هیزەیل ئاسایش ناوخوەیی نەینەوا، فەرمان ١٥ ساڵ زیندانی و باج ٢٠ مەلیۆن دینار لەبان ئەندامیگ لە هیزەیل پاسەوان سنوور دەرکرد، ک ٥ کێلوگرام لە مادەی کریستال هوشبەر وەپی بویە.
لەلاییگتر، لایەنەیل ئەمنی لێکۆڵینەوە واز کردن، دویای پەیاکردن زیاتر لە ٥٠ خەر لە ناوچەی باب سنجار لە لای راس شار مووسڵ پەیا کردن.
وەگورەی سەرچەوەگە، خاوەن ئەو خەرەیلە وتنە ئی خەرەیلە ئەرا کارخانەیل خشت لەو پارێزگایل فرووشن، و گومان هەس سەریان بڕن تا گووشتیان بفرووشن.
