لەماوەی ٢٠٢١ لە عراق.. ١٠ هەزار رویداو هاتوچو و زیاتر لە ١٤ هەزار قوربانی
شەفەق نیوز/ وەزارەت پلاندانان عراق، ئمڕوو چوارشەممە، بەرزەوبوین شمارەی رویداوەیل هاتوچو و قورباینیەیلی لە ساڵ ٢٠١١ راگەیان، ک وە ریژەی ٣٠% لە ساڵ گوزەشتە زیاتر بوی.
دەزگای ژمیریاری وەزارەتەگە لە راپۆرتیگ ئاژانس شەفەق نیوز نووڕیەی وت: شمارەی رویداوەیل هاتوچو لە ساڵ ٢٠٢١ رەسیە ١٠٦٥٩، لەلێان ٢٧٠٩ رویداو مەرگبار وە ریژەی ٢٥،٤%، و ٧٩٥٠ رویداو بیوەی وە ریژەی ٧٤،٦%، لە ناو پارێزگایل عراق بیجگە هەرێم کوردستان، وەرانوەر ٨١٨٦ رویداو لە ساڵ ٢٠٢٠، وە ئاست ٣٠،٢% بەرزەوبوین.
دەزگاگە وتیش: شمارەی قوربانیەیل رویداوەیل هاتوچو لە ساڵ ٢٠٢١ (مردگەیل) رەسیە ٢٨٢٨ کوشیاگ، ٨١،٥% لەلیان نیر بوین، و ١٨،٥% لەلیان ما.
دیاری کرد ک شمارەی زەخمدارەیل لە ساڵ ٢٠٢١ رەسیە ١١٢٣٠ ، ک وە ئاست ٣٤% لە ساڵ ٢٠٢٠ زیاتر بویە.
دەزگاگە وتیش: رویداوەیل لەیەکدان ماشینەێل لە ساڵ ٢٠٢١ بەرزترین ریژە توومار کردن، ک رەسیە ٦٠٠٥ رویداو لەێەکدان، لەناو گشت رویداوەیل ک رەسینە ١٠٦٥٩، ئیجا رویداوەیل پلیان ک رەسیە ١٠٦٥٩ رویداو، بیجگە رویداوەیلیگتر جویر ماتوورسکیڵەیل و تلیان.
وتیش: مانگ کانوون یەکەم لە ساڵ ٢٠٢١ ١٠٠١ رویداو توومار کرد، ئیجا تەشرین دویەم وە ٩٩١ رویداو، ئیجا ئەیلوول وە ٩٨٤ رویداو، و دیاری کرد ک فرەی رویداەیل لەبان ریەیل سەروکی بوینە ک شمارەیان رەسیە ٥٨٩٥ رویداو، ولە ریەیل لاوەکی وە ١٦٤٣ رویداو، و کەمترین رویداوەیل لەبان ریەیل ئاوایی بوینە ک رەسیە ٦٥٨ رویداو.
دەزگاگە دیاری کرد ک ٨٠،١ لەسەد رویداوەیل رانندە هووکاریان بویە ک رەسیە ٨٥٣٧ رویداو وە هووکار رانندە.
دەزگاگە وتیش، ٧،٨% لە رویداوەیل وە هووکار ماشینەگە بوینە ک رەسیە ٦٤٩ رویداو، و ٦،١% لەلیان وە هووکار ریوبان بوینە ک رەسیە ٦،١ رویداو، و ئەو رویداوەیل وە هووکار ریوارەیل یا سوارەیل بوینە.
