لە ماوەی 24 سەعات.. دەرهاوردن تەرم دۊت و گەنجیگ لە ئاوەیل بەسرە

شەفەق نیوز- بەسرە

سەرچەوەیگ ئەمنی لە بەسرە، ئمڕوو جمعە، خەوەردا لە دراوردن تەرم گەنجیگ لە تەمەن بیسەیل و دۊتیگ لە تەمەن سییەیل لە ئاوەیل شەتولعەرەب، وە مەزەنەکردن ئەوەگ لەبان پیەڵ ئیتالییەو خوەیان خستۊن.

 سەرچەوەگە ئەرا ئاژانس شەفەق نیوز وت، کە دەزگا پسپۆڕەیل شەوەکی زۊ ئمڕوو تەرم گەنجیگ لە بیسەیل تەمەنی لە ئاوەیل شەتولعەرەب دەرهاوردن، دۊای چەن سەعاتیگ لە پەیاکردن تەرم دۊتیگ لە تەمەن سییەیل لە خود ئاوەگە.

و زیاتر وت کە زانیارییە سەرەتاییەیل مەزەنەی ئەوە کەن کە هەردوگ دۊتەگە لە ئەنجام فڕەداین خوەیان لەبان پیەڵ ئیتالییەو رۊ دانە، و دیاری کرد کە هەردوگ تەرمەگە ئەرا فەرمانگەی پزیشک دادوەری بریانە ئەرا تەواوکردن رێکارە یاساییەیل و دیاریکردن مدووەیل مردنیان.

 سەرچەوەگە وتیش کە لایەنە ئەمنییەیل وەردەوامن لە رێکارەیل لێکۆڵینەوەی خوەیان ئەرا زانستن هۊردەکارییەیل هەردوگ رۊداوەگە و شیوەی مەرگەگە.