پۆلیس کەرکوک 4 توومەتبار دەسگیرکرد کە ماڵیگ وە ئار بی جی کردنەسە ئامانج لە کەرکوک
شەفەق نیوز ـ کەرکوک
فەرماندەیی پۆلیس پارێزگای كەركوك، ئمڕوو چوارشەممە، دەسگیركردن چوار توومەتبار راگەیان ک ماڵیگ وە "ئار بی جی" گردنەسە ئامانج لە ناحیەی قەرەهەنجیر، لە چوارچمگ پڕۆسەیگ ئەمنی کە وە هەماهەنگی وەگەرد هێزەیل پاسەوان هەرێم کوردستان جیوەجی کریا.
فەرماندەییگە لە بەیاننامەیگ رەسیە ئاژانس شەفەق نیوز وت: پڕۆسەی دەسگیرکردنەگە لەوەر وەردەوەردە و دوژمنکارییەیل وەرین لەناوەین توومەتبارەیل و خاوەن ماڵەگە هات، و دیاریکرد رویداوەگە لە چوارچمگ کەرت وەرپرسیارەتی بنكەی پۆلیس قەرەهەنجیر روی دا.
دیاری کرد مەفرەزەیل بنکەی پۆلیس، وە هەماهەنگی وەگەرد هێزەیل پاسەوانی هەرێم، توەنستن ناسنامەی توومەتبارەیل دیاری بکەن و دەسگیریان بکەن.
دیاریکرد وەشیوەی یاسایی لێدوان لە توومەتبارەسل وەرگیریاس، دادوەر بڕیاردا وە زیندانیکردنیان وەپای مادە 430 لە یاسای سزادان عراقیو ئامادەیان کرد ئەرا تەواوکردن رێکارەیل یاسایی وەرانوەریان و کلکردنیان ئەرا دادگا.
