لە سیدارەدان زیندانییگ وەرجە 16 ساڵ 4 کەس لە بەغدا کوشتیە
2024-03-13T13:41:46+00:00
شەفەق نیوز/ دادگای تاوانەیل زیقار، ئمڕوو چوارشەممە، سزای لە سێدارەداین ئەرا زیندانیگ دەرکرد کە توومەتبارە وە کوشتن 4 کەس لە بەغداد وەرجە 16 ساڵ.
سەرچەوەیگ دادوەری وە ئاژانس شەفەق نیوز وت، "دادگای تاوانەیل زیقار سزای لە سێدارەدان ئەرا تاوانبار تیرۆرستیگ دەرکرد کە 4 کەس کوشتیە و کەسیگیش زەخمدارکردیە لە ناوچەی گراغول لە بەغدای پایتەخت لە ساڵ 2008".
سەرچەوەگە وتیش، "بڕیارەگە وە پشت بەسین وە بڕگە مادەی 4 لە یاسای دژە تیرۆر ساڵ 2005 دریایە".
