دادگای نەهیشتن تاوان دهۆک سزای لەسێدارەدان لەبان بکوش پیاویگ ئێزدی و دویەتەگەی دەرکەێد
شەفەق نیوز/ دادگای نەهیشتن تاوان پارێزگای دهۆک، ئمڕوو چوارشەممە، سزای لەسێدارەدان لەبان تاوانکاریگ وە کوشتن پیاویگ ئێزدی و دویەتەگەی دەرکرد.
دادگای نەهیشتن تاوان لە دهۆک، وەرجە نیمەڕو ئمڕوو، یەکەم دانیشتنی لەباوەت کوشیان فاروق میرزا قاسم ئاوارەی ئێزدی و دویەتەگەی ئەنجام دا.
فەرمان دادگاگە وە گشتی دەرچگ وە سزای لەسێدارەدان تا مردن، ری ئەرا رەتکردن وتەمییز نەیرێد.
لەمانگ ئاب گوزەشتە، پۆلیس پارێزگای دهۆک، توەنست کابرایگ توومەتبار وە کوشتن فاروق ميرزا قاسم و دویەتەگەی ک ئێزدی ئاوارەس دەسگیر بکەێد.
هێمن سڵیمان قسەکەر پۆلیس دهۆک ئەرا ئاژانس شەفەق نیوز وت: دەسگیرکردنەگە لەلایەن مەفرەزەیل پۆلیس دژە تاوان جیوەجی کریا، ئەوەیش دویای لێکۆڵینەوە و گردەوکردن زانیاری لەبان توومەتبارەگە.
وەرجەیەیش، موشیر محمد قایمقام زاخۆ ئەرا ئاژانس شەفەق نیوز خەوەر پەیاکردن تەرم ئاوارەیگ لە تەمەن چل و دوو ساڵی دا، هەمای وەرد دویەتەگەی لە کامپ چەم مشکۆ لە زاخۆ چینەسە دەیشت.
