لە سێدارەدان دە زیندانی لە "حووت" باشوور عراق
2023-12-25T11:01:46+00:00
شەفەق نیوز/ سەرچەوەیگ ئەمنی لە زیقار باشوور عراق، ئمڕوو دووشەممە، خەوەردا وەزارەت داد سزای لە سێدارەدان لەناو زیندان ناسڕیە لەناوەن پارێزگاگە جیوەجیکرد.
سەرچەوەگە و ئاژانس شەفەق نیوز خەوەردا، "تیمیگ ئەمنی تایوەت شەوەکی ئمڕوو سزای لە سێدارەداین 10 زیندانی جیوەجیکردن و لەناو زیندان ناوەندی ناسڕیە (حووت) "، وتیش زیندانیەیلە "لە گوزەشتە سزای تاوانکاری ئەرایان دەرکریاس".
سەرچەوەگە وتیش،"گشت ئەو کەسەیلە لە سێدارە دریان عراقی بوین"، وتیش "سزاگانیان کۆتایی بویە وەلایەن سرۆک کۆمار پەسەن کریاوێد".
