لە کەرکوک.. دوو کەس ژنیگ خەڵەتنن بزن لەجیای کاوڕ وەپی فرووشن
2024-04-30T17:42:42+00:00
شەفەق نیوز/ سەرچەوەیگ ئەمنی لە کەرکوک، ئمڕوو سێشەممە، خەوەردا کە دوو کەس ژنیگ خەڵەتاننە، و پەس وە دوو ملیۆن دینار وە پی فرووشن، تا دویای ئەوە ئاشکرا بوود کە گشتیان بزن بوینە.
سەرچەوەگە ئەرا ئاژانس شەفەق نیوز وت: ژنیگ لە تەمەن پەنجا ساڵە خوازیە بڕیگ کاوڕ بسینێد لە گەڕەک مامووستایان لە ناوڕاس کەرکوک، و دوو ملیۆن دینار پویل داسە بزگیریگ تا کاوڕەیل ئەرا ماڵەگەی بارێد.
وتیش؛ وە ژنەگە وتنە تو بچوو ئەرا ماڵ و خوەیان کاوڕەیل ئەرای رەسنن، تا زنەگە لە ماڵ دوینێد دوو بزن ئەرای هاوردنە، کە نرخییان ١٥٠ هەزار دینار نیەهەرزێد، و پویلەگە و کاوڕەیل بردنە و واینە.
سەرچەوەگە وتیش: پولیس لێکۆڵینەوە لە رویداوەگە واز کرد تا ئەو دوو کەسە بناسێد.
