لە دوو پارێزگای عراق .. دوو کوشیان و پەنج زەخمدار
2024-05-24T08:28:31+00:00
شەفەق نیوز/ سەرچەوەیگ ئەمنی لە وەڕیەوبەرایەتی وەرگری شارستانی، ئمڕوو جمعە، خەوەردا لە کوشیان و زەخمداری سێ کەس لە ئەنجام هیزگردن ئاگر لەناو ماڵیگ لە پارێزگای بەسرە.
سەرچەوەگە ئەرا ئاژانس شەفەق نیوز وت: ژنیگ نزیک تەمەن ٦٨ ساڵە گیانی لەدەسدا، و کوو کەسیش زەخمدار بوین لە ئەنجام رویداو ئاگر لەناو ماڵیان لە ناحیەی خۆر زوبیر لە بەسرە، وتیش: ئاگرەگە لە ئەنجام شۆرتیگ کارەبایی بویە.
لە رویداویگ ترەک، سەرچەوەیگ لە پولیس خەوەردا لە کوشیان کەسیگ و زەخمداری سێ کەس ترەک لە ئەنجام رویداویگ هاتوچو ناوەین دوو ماشین لە چواریان زاعفەرانیە خوەرهەڵات بەغداد.
سەرچەوەگە وتیش: تەرمەگە ئەرا پزشک دادوەری بریا و زەخمدارەیل ئەرا خەسەخانە.
