پلیان ماشینیگ لە مەیدان کەهرەمانەی ناوڕاس بەغداد..وینە
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە پلیان ماشینیگ لە مەیدان کەهەرمانە لەناوچەی کەڕادە ناوڕاس بەغداد پایتەخت، و یە دویەم رویداوە لەی جویرە وەماوەی یەک هەفتە.
سەرچەوەگە ئەرا ئاژانس شەفەق نیوز وت: رانندەی ماشینیگ هۆندای ماشینەگە لەدەسی دەرچگ و پلخوارد و دالە چەتر پۆلیس لە مەیدان کەهرەمانە، و سەری زەخمدار بوی، و زەرەد وە ماشین پۆلیس وگەرد چەترەگە رەسی.
رووژ دووشەممەی ٢ ئایار، سەرچەوەیگ ئەمنی ئەرا ئاژانس شەفەق نیوز وت: ماشینیگ دالە پەیکەر کەهرەمانە و چل دزەگە لەناوڕاس بەغداد پایتەخت، و زەرەدەیلیگ دارایی رەسان.
سەرچەوەگە وتیش: ماشینیگ مارکەی لاندگرۆز دویەشەو لە وەخت دیریگ چیە ناو پەیکەر کەهرەمانە لە ناوچەی کەڕادە، وتیش؛ رانندەگە و دویەتیگ وەگەردی زەخمداری سووکیگ بوین.
لێکۆڵینەوە سەرکیەل نشان ئەوە دەن ک رانندەگە سەرخوەش بویە، و زەرەد دارایی رەسانە پەیکەر و ماشینەگە.
