لە 3 پارێزگا.. گیانلەدەسداین ژنیگ وە پلیان تراکتۆر و کوشیان خاوەن مۆلیدەیگ وە تەور و خوەیکوشتن دۊتیگ لە 8 قاتەو
شەفەق نیوز- کەرکوک/ موسەننا/ بەغداد
سەرچەوەیگ لە فەرمانگەی پزیشکی دادوەری لە کەرکوک، رووژ چوارشەممە، خەوەر دا لە گیانلەدەسداین ژنیگ کە تەمەنی رەسێدە 56 ساڵ، ئمڕوو چوارشەممە، لە ئەنجام پلیان تراکتۆریگ کشتوکاڵی وەبانی لە وەخت کارکردنی لە قەزای حەویجە، لە باشوور خوەرئاوای پارێزگای کەرکوک، لە وەختیگ خاوەن مۆلیدەیگ کارەبایی ئەهلی وە تەور تیژ لە شار سەماوە ناوەند پارێزگای موسەننا کوشیا، و دۊتیگ ناخاڵە گیان لەدەس دا لە ئەنجام کەفتنی لە قات هەشتەم لەناو کۆمەڵگەیگ نیشتەجیبۊن لە بەغدای پایتەخت.
سەرچەوەگە ئەرا ئاژانس شەفەق نیوز وت، کە ژنەگە، کە پیتەیل یەکەم لە ناوی (خ.ج.ح)ە، گیان لەدەس دا لە ئەنجام پلیان تراکتۆرە کشتوکاڵییەگە وەبانی لە وەخت رانینی لە مەوقەی کارکردنی لە قەزای حەویجە، بی ئاشکراکردن هۊردەکارییەیل فرەتر لەباوەت چوینیەتی رویداوەگە.
لە سەماوە، سەرچەوەیگ ئەمنی ئەرا ئاژانس شەفەق نیوز خەوەر دا، لە کوشیان خاوەن مۆلیدەیگ کارەبایی ئەهلی لەناو کۆمەڵگەی نیشتەجیبۊن دەوح لە ناوڕاس شارەگە، لە ئەنجام دەمەقاڵی وەرد یەکیگ لە هاووڵاتییەیل، کە لەناوی کەفتە وەر داین وە تەور "قامە".
سەرچەوەگە وتیش کە هیزە ئەمنییەیل دەور شوین رویداوەگە گردن، و تەرمەگە ئەرا فەرمانگەی پزیشک دادوەری بردن ئەرا تەواوکردن ریکارە یاساییەیل، لە وەختیگ تۊنستن توومەتبارەگە دەسگیر بکەن دۊای نزیکەی دوو سەعات لە روی داین رویداوەگە، لە وەخت تەقەلادایینی ئەرا واین وەرەو دەیشت شارەگە.
لە بەغداد، دۊتیگ لەداڵگبۊی ساڵ 2013، کە خوەنەوارە، هەڵسا وە فڕەداین خوەی لە قات هەشتەم لەناو کۆمەڵگەی نیشتەجیبۊن سەلام لە ناوچەی حەی جیهاد، وەپەی ئەو زانیارییەیلە کە رەسینە، و دۊتەگە گیان لەدەسدا لە وەخت بردنی ئەرا خەسەخانە، لە وەختیگ کەسوکارەیلی باس لەوە کردن کە رویداوەگە وە مدوو خوەیکوشتن روی داگە.
