كوه‌يت له ته‌رم هاووڵاتيه‌يلى له عراق كه‌فته‌سه گومان
شه‌فه‌ق نيوز/ ناسر ئه‌لهه‌ين ده‌سميه‌ده‌ر وه‌زير خارجيه‌ى كوه‌يتى ئه‌را كاروبار ريكخرياگه‌يل ناوده‌وڵه‌تى وت: بايه‌سه ته‌ئكيد بكريه‌ێد له ره‌سم ئه‌و ته‌رمه‌يله ك بڵاو كريان له‌بان ماڵپه‌ڕه‌يل په‌يوه‌ندى كۆمه‌ڵايه‌تى ك گوايا ته‌رم هاووڵاتيه‌يل وه‌ديل گيرياى كوه‌يتيه له عراق، ئه‌ويش دوياى جيوازكردنيان ئه‌را كوه‌يت و فه‌حسكردن جينى ئه‌رايان.
ئه‌لهه‌ين له لێدوانيگ رووژناگه‌رى وت: ئداره‌ى گشتى به‌ڵگه‌يل جه‌نائى سه‌ر وه وه‌زاره‌ت ناوخوه‌يى لاپه‌ن په‌يوه‌نديداره وه وشكانن ته‌رمه‌يل له‌ڕێ بنه‌ماى به‌يانه‌يل جينى خيزانى ئه‌را هه‌ر يه‌كيگ له‌و ته‌رمه‌يله.
هه‌ميش وت: دوينستنه‌وه‌ى ئه‌و ته‌رمه‌يله زويتر به‌ياننامه‌يگ له‌باره‌يانه‌و له 30 يه‌ناير 2020 له ليژنه‌ى سێلايه‌نى تايبه‌ت وه مه‌سه‌له‌ى ديله‌يل كوه‌يتى ده‌ركريا ك ليژنه‌ى خاچ ناوده‌وڵه‌تى سه‌رۆكايه‌تيى كرد.
