كوشيان پیاییگ وەگەرد ژنەگەی وە پەلاماریگ چەکدار
2024-03-06T07:28:33+00:00
شەفەق نیوز/ سەرچەوەیگ ئەمنی لە پارێزگای میسان، ئمڕوو چوارشەممە، خەوەردا کە پەلاماریگ چەکدار بویە هوکار کوشیان پیاییگ وەگەرد ژنەگەی باکوور پارێزگاگە.
سەرچەوەگە ئەرا ئاژانس شەفەق نیوز وت: چەکدارەیلیگ نەناسیاگ تەقە لەبان پیاییگ وە ژنەگەی لە قەزای کومێت باکوور پارێزگاگە کردن، کە بویە مدوو کوشتنیان وە کوتپڕ.
سەرچەوەگە وتیش: لێکۆڵینەوەیل سەرەتایی نشان دەن کە رویداوەگە لە ئەنجام تووڵەی هووزانە بویە، و دیاری کرد هیزیگ ئەمنی رەسیە شوین رویداوەگە و دوو تەرمەگە ئەرا پزشک دادوەری بردن، و تاوانکارەیل وەرەو شوین نادیاریگ وایینە.
