كوشتن دوو ئەندام لە داعش و وگردن سێیەمیان لە کەرکوک
2021-01-03T10:24:08+00:00
شەفەق نیوز/ هێزە عراقیەگان، ئمڕوو یەکشەممە، توێنستن دوو ئەندام لە داعش بکوشن و سێیەمیان لە پارێزگای کەرکوک دەسگیر بکەن.
شانەی راگەیانن ئەمنی لە بەیاننامەیگ وت: وەگورەی زانیاریەیلیگ هەواڵگری وورد، و وەفەرمان فەرماندەی ئۆپراسیۆنە هاوبەشەگان، فڕۆکەیل ئێف ١٦ سەروە هاوپەیمان ناودەوڵەتی گورزەیلیگ ئاسمانی لە وادی کۆڕ لە پارێزگای کەرکوک جیوەجی کردن، و دوو ئەندام لە ریخریایەگە کوشتن.
لەلای خوەییش، ئاژانس هەواڵگری لە بەیاننامەیگ وت؛ مەفرەزەگانی توێنستن یەکیگ لە تیرۆرستەگان ک وەگورەی مادەی ٤ تیرۆر داواکریاگە ک لە کویەیل مەکحوول وەگەرد داعش کار کردگە دەسوەسەر بکەن.
بەیاننامەگە وتیش؛ توومەتبارەگە کار لە مەفرەزەیگ دزیکردن و تاڵانکردن ماڵەیل و دارایی هاووڵاتییەگان کار کردگە.
