كوشیان فەرزەن شازادەی ئیڵ بەنی کەعەب لە میسان
شەفەق نیوز/ سەرچەوەیگ ئەمنی لە پارێزگای میسان، ئمڕوو دووشەممە، خەوەردا لە کوشیان کوڕ شازادەی ئیڵ بەنی کەعەب وە پەلاماریگ چەکدار لە باشوور خوەرهەڵات پارێزگاگە.
سەرچەوەگە ئەرا ئاژانس شەفەق نیوز وت: نەناسریایلیگ وەناو ماشینیگ تەقە لە شێخ (تەحسین خالد جەبرل عەلی) فەرزەن شازادەی ئیڵ بەنی کەعەب کردن ، ئەوەیش لە ناحیەی مشەرەح و وەکوتپڕ کوشتنەی.
سەرچەوەگە دیاری کرد ک هێزە ئەمنیەیلە چواردەور شوین رووداوەگە گردن و تەرمەگە وەرەو پزشک دادوەری رەوانە کردن و داوای ئارامی لە کەسوکارەیل قوربانیەگە کردن تا بتوێنن تاوانبارەیلە ئاشکرا بکەن.
سەرچەوەگە وتیش: داواکردن هێزە ئەمنیەیلە لە چوارچیوەی نواگردن چەکداری هووزانە تیەێد ک شەفەق ئمڕوو ئەو ئیڵ خاوەن کوشیاگە لە وەردەم دیوەخان شازادەی ئیڵ بەنی کەعەب دەسکردنە گردەوبوین و نوقڵانە وە پەلامارداین هووزیگ تر ک وەی تاوانە توومەتبارە.
