كازمى باس له‌ دو دوسيه‌ى گرنگ كرد و ئاماژه‌ وه‌ قه‌يرانيگ مه‌ترسيدار ئه‌كا

كازمى باس له‌ دو دوسيه‌ى گرنگ كرد و ئاماژه‌ وه‌ قه‌يرانيگ مه‌ترسيدار ئه‌كا
2020-04-27T20:11:33+00:00

شه‌فه‌ق نيوز/ مسته‌فا كازمى سه‌رۆك وه‌زيره‌يل راسپارياێ ئه‌را پيكهاوردن حكومه‌ت له‌ دو ديدار جياجيا وه‌ل جه‌عفه‌ر سادق عه‌لاوى وه‌زير ته‌ندروستى و عه‌لى عه‌لاق پاريزگار بانك ناوه‌ندى باس له‌ بارودوخ ته‌ندروستى و ئابوورى له‌ وڵاته‌گه‌ كرد.

له‌ى باوه‌ته‌و، نويسينگه‌ سه‌رۆك وه‌زيره‌يل راسپارياێ له‌ به‌ياننامه‌يگ ئه‌را شه‌فه‌ق نيوز وت: كازمى وه‌ل  وه‌زير ته‌ندروستى باس له‌ بارودوخ ته‌ندروستى له‌ گشت وڵاته‌گه‌و دڵنيايى له‌ سه‌لامه‌تى رێ وشوونه‌يل روێ وه‌ڕوێ بوينه‌وه‌ى ڤايرۆس كۆرۆنا و ريگرى له‌ بڵاوبوينه‌وه‌ى له‌ناونى هاووڵاتيه‌يل كردگه‌ وه‌ل جه‌ختكردن له‌ پابه‌ندبوين وه‌ رينمايه‌يل ته‌نردوستى ئه‌را مقه‌يه‌تى له‌ هاووڵاتيه‌يل.

باس له‌وه‌يش كرد كازمى وه‌ل پاريزگار بانك ناوه‌ندى عراقى باس له‌ هه‌ڵكه‌فت ئابوورى و دارايى كردگه‌ له‌ساى قه‌يران ڤايرۆس كۆرۆنا و داوه‌زين داهات له‌ئه‌نجام داوه‌زين نرخه‌يل نه‌فت جه‌هانى.

جى باسه‌، كازمى جه‌ختيش له‌ قه‌يران ئابوورى كرد ك هاته‌سه‌ تويش عراق و قه‌يرانيگ جددى و مه‌ترسيداره‌ و بايه‌سه‌ روێ وه‌ڕويى بوێده‌وه‌ له‌ڕێ داناين پلان و رێ وشوونه‌يل كارايگ.

Shafaq Live
Shafaq Live