فراكسيۆنيگ شيعه‌ باس له‌وه‌ كرد كازمى كابينه‌ حكوميه‌ ناته‌واوه‌گه‌ى پيشكه‌ش ئه‌كا

فراكسيۆنيگ شيعه‌ باس له‌وه‌ كرد كازمى كابينه‌ حكوميه‌ ناته‌واوه‌گه‌ى پيشكه‌ش ئه‌كا
2020-04-30T12:24:56+00:00

شه‌فه‌ق نيوز/ فازڵ جابر ئه‌ندام له‌بان فراكسيۆن سادقون وه‌ سه‌رۆكايه‌تى قه‌يس خه‌زعه‌لى ئه‌ميندار گشتى عه‌سايب ئه‌هل هه‌ق، باس له‌وه‌ كرد مسته‌فا كازمى سه‌رۆك وه‌زيره‌يل راسپارياى كابينه‌ وه‌زاريه‌ ناته‌واوه‌گه‌ى پيشكه‌ش وه‌ په‌رله‌مان ئه‌كا له‌وه‌ر وه‌رده‌وامى ناكوويه‌يل ناونى هيزه‌يل سياسى له‌بان سێ وه‌زاره‌ت.

جابر ئه‌را شه‌فه‌ق نيوز وت: كازمى له‌ ماوه‌ى 48 سه‌عات ئاينده‌ دواكارييگ ئاراسته‌ى سه‌رۆكايه‌تى ئه‌نجومه‌ن نوێنه‌ره‌يل ئه‌كا له‌وه‌ر دياريكردن واده‌يگ ئه‌را سازكردن دانيشتن وه‌پيداين متمانه‌ وه‌ حكومه‌ت، جه‌خت له‌وه‌يش كرد هه‌فته‌ى ئاينده‌ دويا واده‌س ئه‌را ماوه‌ى ده‌ستووريه‌گه‌ ك رێ وه‌ كازمى داگه‌ له‌باره‌ى دامه‌زرانن حكومه‌ته‌گه‌ێ.

جى باسه‌، جابر ئاماژه‌ وه‌يه‌يش كرد ئه‌و كابينه‌ وه‌زاريه‌ ك كازمى ره‌وانه‌ى ئه‌كا ئه‌را په‌رله‌مان به‌تاڵه‌ له‌ وه‌زاره‌ته‌يل ناوخوه‌يى و وه‌رگرى و دارايى، ئه‌ويش له‌وه‌ر ريككنه‌كه‌فتن له‌بان دياريكردن وه‌زيره‌يل ئه‌را ئه‌و وه‌زاره‌ته‌يله‌.

Shafaq Live
Shafaq Live