قوربانی و زەخمدار لە پۆلیس و حەشد هووزانە وە پەلامار داعش لە مەخموور
2021-09-11T07:29:06+00:00
شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە کەفتن ٨ قوربانی فرەوان لە حەشد هووزانە
و پۆلیس فیدراڵی بوین، وە پەلاماریگ لەلایەن ریخریاگ داعش لە قەزای مەخموور.
سەچەوەگە ئەرا ئاژانس شەفەق نيوز وت: ئەفسەریگ وە
پلەی نەقیب وەگەرد برا مەدەنیەگەی وەگەرد جەنگاوەرەیگ لە حەشد هووزانە بوینە قوربانی
پەلاماریگ لەلایەن ریخریاگ داعش لەبان ئاوای خەتاب سەروە قەزای مەخموور، وتیش؛ هەنای بومبیگ دانریاگ لە مەوقەی وەشۊن کەفتن
و تەقەکردن لە داعش تەقیە بانیان کوشیان.
سەرچەوەگە دیاری کرد ک چوار لە حەشد هووزانە و یەک
مەدەنی لە پەلامارەگە زەخمدار بۊن، و یەکێ
لە ئەندامەیل داعش کوشیا، و ئەوەکان وەرەو شۊن نادیاریگ وئاین.
