داعش لە نووەو پەلامار حەشد هووزانەی مەخموور دەێد

شەفەق نیوز/ شەفەق ئمڕوو شەممە، حەشد هووزانە لە نزیک ئاوای معێزیلە لە قەزای مەخموور کەفتە وەر پەلاماریگ لەلایەن ریخریاگ داعش.

سەرچەوەیگ ئەمنی وەرپرس ئەرا ئاژانس شەفەق نیوز وت: حەشد هووزانە ئاگر کنارەیل چەمەگە دا ئەرا ئەو ئەندامەیل داعشەگ پەلامارەگە جیوەجی کردنە گیر بارێد.

جی باسە ک یە دوویەم پەلامارە لەلایەن داعش دویای پەلامار وەرجە سێ رووژی ک بویە هووکار کەفتن یەک قوربانی و یەک زەخمدار لە حەشد هووزانە وەگە یەک زەخمدار لە داعش.

لەی باوەتە، سەرچەوەیگ ئەمنی تر خەوەردا لە دەسکردن وە هەڵمەتیگ سەربازی، شەفەق ئمڕوو، ئەرا وەشکین کوێەیل شێخ ئیبراهیم لە ناحیەی مەحەلەبیە لە خوەرائاوای مووسڵ.