قوربانیەیلیگ لەسوپای عراق وە پەلامار داعش لە دیالە

شەفەق نیوز/ سەرچەوەیگ ئەمنی لە دیالە، ئمڕوو جمعە،  خەوەردا لە کەفتن ١١ قوربانی لو سوپای عراق ئەفسەریگ هاناویان،  ئەوەیش وە پەلاماریگ لەلایەن داعش لە دەورگرد ناحیەی عزێم.    

سەرچەوەگە ئەرا ئاژانس شەفەق نیوز وت: زیاتر لە دە ئەندام لە ریخریاگ داعش تیرۆریست شەفەق ئمڕوو وە چەک قەناس و چەک ناوڕاس پەلاماریگ ناکاوی لەبان بارەگای سوپای عراق سریەی یەکەم – فەوج یەکەم – لیوای دۊیەم  - فیرقەی ١ ، جیوەجی کردن لەناوبەین ئاوایەیل تالعە و ئوم کرامی ک بۊیە هووکار کەفتن ١١ سەرباز و ئەفسەریگ وە پلەی مولازم ئەوەی.  

وتیش پاڵپشتی جەنگاوەری رەسیە شۊن پەلامارەگە تا شکست وەو پەلامارە بارێد ک یە سەختترین پەلامارە ئەرا چەن ساڵیگە، و تەرم قوربانیەیل ئەرا خەسەخانەی خاڵس بریا.