قەیەغەکردن جوولەی ناوبەین پارێزگایل عراق
شەفەق نیوز/ دەسەی ئەمنی باڵای هەڵبژاردن لە عراق، ئمڕوو شەممە، بڕیار چەسپانن قەیەغەی جوولەی ماشینن و پیادە لە وڵاتەگە ئەرا ماوەی یەک رووژ دا.
فەریق رکن عەبدولئەمیر شەمەری سەرۆک دەسەگە لە کۆنگرەیگ رۆژنامەوانی لە بەغداد وەگەر سەرۆک ئەنجومەن کۆمسیۆن باڵای سەروەخوەی هەڵبژاردن دادوەر جەلیل عەدنان خەڵەف ئەوە راگەیان.
فەریق ڕکن شەمەری لەناو کۆنگرەگە وت: ئەوەسا مەرزە سنووریەیلە و فڕۆکەخانەیلە لە نۆی ئی مانگە تا یانزەی بەسیە.
و باس بەسیان دەروازە و خاڵەیل سەرەکی لە پارێزگایلەنو قەیەغەی جوولەی ماشین و کەسەیل کرد هەر لە دە تا یانزەی ئی مانگە، و هوشداری کرد ک دەسەی ئەمنی باڵا قەیەغەی گشتگیر لە بەغداد و پارێزگایلە چەسپنئد هەنای ئەو کارە گرنگ بوود.
و باس قەیەغەکردن گشت گردەوبۊنیگ کرد هەر لە رووژ ٩ی تشرینی یەکەم تا رووژ ١٣ی خود مانگەگە.
و جەخت لە قەیەغەکردن فڕۆکەیل بێفڕۆکەوان ئەرا وێنەگرتن کرد، و ئەوەسا هێزە ئەمنییەیلە وەگەردیان رەفتار کەێد.
لەلای خوەییش، خەڵەف دادوەر لە کۆنگرەگە وت: دەسەی باڵا ئەمارەیل کۆمسیۆن باڵا وە شیوەی تەواویگ قایم کرد.
