فرووشتنەیل بانک ناوەندی عراقی دووارە بەرزەو بوون

شەفەق نیوز/ فرووشتنەیل بانک ناوەندی عراقی لە پارەی گران، ئمڕوو دووشەممە، دووارە بەرزەو بوی، تا بڕەسێدە ٢٠٩ ملیۆن دۆلار ئەمریکی.

پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن پارە بیگانەگان ئمڕوو، داوەزینیگ لە فرووشتنەگانی وەڕێژەی ٦،٤١٪ وەخوەی دی، تا بڕەسێدە ٢٠٩ مەلیۆن و ٤٥٤ هەزار و ٦٥٩ دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە یەکشەممە ک فرووشتنەگانی رەسیە ١٩٦ مەلیۆن و ٨٤٢ هەزار دۆلار.

وتیش؛ گشت فرووشتنەگان ئەرا پاڵپشتی بنمایەگان لە دەیشت وەشیوەی هەواڵە و چەک چگن، وبانکەکان بایی ٢٢ مەلیۆن و ١٨٠ هەزار دۆلار وە شیوەی کاش سەنن.

پەیامنێرەگەمان ئاماژە کرد ک ٣١ بانک داواکاریەیل پاڵپشتی بنمایەگان لە دەیشت جیوەجی کردن، و ١٦ بانک داواکاریەیل کاش جیوەجی کردن.