کەفتن قوربانی و زەخمداری ئەفسەریگ پولیس وە تەقینەوەیگ لە باکوور بەغداد
2023-01-03T12:32:11+00:00
شەفەق نیوز/ سەرچەوەیگ ئەمنی وەرپرس، ئمڕوو سێشەممە، خەوەردا لە کەفتن سێ قوربانی و زەخمداری کەسیگ ئەندامەیل سوپا و پولیس هاناویان، وە دوو رویداو تەقیان، و رووەڕویبوین وەگەرد ریخریاگ داعش لە باکوور بەغداد پایتەخت.
سەرچەوەگە ئەرا ئاژانس شەفەق نیوز وت: بومبیگ دانریاگ لەناو شۆفەڵیگ حکومەتی لە قەزای تارمیە تەقیەو ک بویە هوکار کوشیان مەدەنییگ و پولیسیگ و زەخمداری ئەفسەریگ وە پلەی موقەدەم لە پولیس.
هەمیش لە تارمیە، سەربازیگ لە سوپای عراق لە رووەڕویبوین وەرد ئەندامەیل ریخریاگ داعش لەناو یەکیگ لە باخەیل قەزاگە کوشیا.
وەرجەیە، ئمڕوو هیزە ئەمنیەیل کەفتنە تەقەکردن وەگەرد ئەندامەیل ریخریاگ داعش دویای داناین تەڵەی توکمەیگ دویای نووڕین جویلەیان لە ناو باخیگ لە قەزای تارمیە.
