فڕۆکەیل ئێف-١٦ی عراقی حەشارگەیگ داعش لە دەریاچەی حەمرین ویران کەن
2022-09-25T13:56:27+00:00
شەفەق نیوز/ شانەی راگەیانن ئەمنی، ئمڕوو یەکشەممە، جیوەجیکردن دوو گورز ئاسمانی لەلایەن فڕۆکەیل ئێف-١٦ راگەیان، لەبان حەشارگەیگ دوو ئەندام داعش لەناوی بوینە، ئەوەیش لە دەریاچەی حەمرین لە پارێزگای دیالە.
شانەگە لە بەیاننامەیگ رەسیە ئاژانس شەفەق نیوز وت: وەڕێەوبەرایەتی هەواڵگری سەربازی وە هەماهەنگی وەرد شانەی ئامانجکردن لە ئۆپراسیۆنەیل هاوبەش، توەنست دوو ئەندام داعش رەوانگە بکەێد لەناو حەشارگەیگ لەنزیک دەریاچەی حەمرین لە ناوچەی نارین.
وتیش: دویای کلکردن ئی زانیاریە ئەرا فڕۆکەیل هیز ئاسمانی عراقی پاڵەوان، ئەوەیش دوو گورز ئاسمانی وە فڕۆکەیل ئێف-١٦ وەشانە بان ئی حەشارگە و ئەو ئەندامەیل تیرۆریە لەناوی بوین.
هەرلیوا، شانەگە دیاری کرد ک هیزیگ ئەمنی وەشکین ئەو شوینە جیوەجی کرد ک کریا ئامانج، و زانیارەیل هەواڵگری ئامانجەیل فەرماندەیل ئەمنی هاوردنە جی.
