عراق چەوەڕی واران و خوەڵوتووز کەێد
دەسەگە لە بەیاننامەیگ رەسیە ئاژانس شەفەق نیوز وت؛ کەشوهەوای وڵاتەگە ئەرا سوو چوارشەممە، لە ناوچەی ناوڕاس و باشوور خوەر و رووشنە، و لە ناوچەی باکوور رووشنە تا نیمچە ئەوریگ لە بەشەیل خوەرھەڵاتی، وەگەرد نمە وارانیگ لە بەشە کویەیلە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ داوەزێد.
وتیش؛ رووژ پەنجشەممە، لە ناوچەی ناوڕاس و باشوور رووشنە، و لە ناوچەی باکوور رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە بەش باشوور نزیک رووژ وەرجە خوەیە.
دەسەگە وتیش: رووژ جمعە لە ناوچەی ناوڕاس و باشوور رووشنە، ولە ناوچەی باکوور رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە بەش باشوور نزیک رووژ وەرجە خوەیە.
بەیانامەگە دیاری کرد کە کەشوهەوای وڵاتەگە ئەرا رووژ شەممەی ئایندە، لە ناوچەی ناوڕاس و باشوور رووشنە، و لە ناوچەی باکوور رووشنە وەگەرد لەکە ئەوریگ، و پلەی گەرمی لە گشت وڵاتەگە کەمیگ لە رووژ وەرجە خوەی بەرزترەو بوود.
